TƏBİB və İcbari Tibbi Sığorta üzrə Dövlət Agentliyinin dəstəyilə "İxtisas ayları" proqramı çərçivəsində 1 İyun - Uşaqların Beynəlxalq Müdafiəsi Gününə həsr edilmiş sağlamlıq günləri təşkil ediləcək.

Bu barədə Aztibb.az TƏBİB-in feysbuk səhifəsinə istinadla xəbər verir.

30-31 may, 1 iyun 2024-cü il tarixlərində Mingəçevir Şəhər Mərkəzi Xəstəxanasında reallaşacaq “Uşaq sağlamlığı günləri” layihəsi çərçivəsində vətəndaşlara paytaxtda yerləşən TƏBİB-in tabeli tibb müəssisələrində fəaliyyət göstərən uzman və ixtisaslı həkimlər tərəfindən tibbi xidmətlər göstəriləcək, Bərdə-Yevlax tibbi ərazi bölməsində yerləşən tibb müəssisələrinin həkim heyətinə sözügedən istiqamətdə seminarlar təşkil olunacaq, həmçinin vətəndaşların maariflənməsi üçün müxtəlif tədbirlər həyata keçiriləcək.

"Uşaq sağlamlığı günləri" Mingəçevir, Bərdə, Yevlax, Ağdaş və Tərtər rayonunun vətəndaşları üçün nəzərdə tutulub.

Tibbi müayinələrdən yararlanmaq üçün müvafiq rayon xəstəxanasının Qeydiyyat bölməsinə yaxınlaşaraq qeydiyyatdan keçmək mütləqdir!