"Qoxu bilmə qabiliyyətinin qismən və ya tamamilə itirilməsi koronavirusla əlaqəli olmaya da bilər".

Aztibb.az "RİA" informasiya agentliyinə istinadən xəbər verir ki, bunu rusiyalı doktor Alena Paretskaya deyib.

O bildirib ki, bu başqa xəstəliklərin da simptomu ola bilər.

"Bu, Alzheymer kimi mərkəzi sinir sistemi xəstəliklərinin simptomu və ya yaşlanmanın bir əlaməti ola bilər. Bundan başqa bəzi dərmanların istifadəsi və ya zəhərli kimyəvi maddələrə məruz qalma, hormonal pozğunluq, diş ağrısı, kəllə-beyin travması, burunun yuxarı hissəsindən alınan ağır travma, sinus iltihabı, infeksiyalardan və ya allergik reaksiyalardan xroniki obstruksiya da iybilmə qabiliyyətinin itməsinə səbəb ola bilər", - deyə, mütəxəssis qeyd edib.