Rusiyalı diyetoloq və tibb elmləri doktoru Marqarita Koroleva bildirib ki, çoxillik ot bitkiləri cinsindən olan çiyələk təkcə dadlı giləmeyvə deyil, həm də təsirli təbii antibiotikdir.

Aztibb.az “Pravda” nəşrinə istinadən xəbər verir ki, mütəxəssis çiyələklərdə yüksək miqdarda C vitamininin (askorbin turşusu və askorbat) olduğunu vurğulayıb: “Bu da onları təbii antibiotikə çevirir, xüsusilə xəstəliklər, soyuqdəymə zamanı qiymətlidir”.

Bu giləmeyvə C vitamini ilə yanaşı, maqnezium və B vitaminləri ilə də zəngindir.

Qeyd olunur ki, maqnezium orqanizmdə baş verən 300-dən çox biokimyəvi reaksiyada mühüm rol oynayır və sinir sisteminin normal fəaliyyətini saxlamağa kömək edir. B vitaminləri hematopoez, sinir impulslarının ötürülməsi, ürək-damar sisteminin işləməsi, həmçinin sağlam dəri, dırnaqlar və saçlar üçün lazımdır.

Mütəxəssis təzə çiyələk yeməyi tövsiyə edir, baxmayaraq ki, dondurulmuş giləmeyvənin qışda da istehlak edilə biləcəyi iddia edilir. Qiymətli xüsusiyyətlərini qoruyaraq düzgün şəkildə dondurulduğu halda, faydalı keyfiyyətlərini itirməzlər.

Ancaq qeyd etmək lazımdır ki, bağırsaq xəstəlikləri və allergiya üçün çiyələk yemək tövsiyə edilmir.