“The Guardian” yazır ki, Britaniya alimləri son araşdırmalar zamanı tozda ağır xəstəliklərin inkişaf riskini artıran, xərçəng və hormonal pozğunluqlara səbəb olan maddələr aşkar ediblər.

Aztibb.az sözügedən nəşrə istinadən xəbər verir ki, alimlər ölü dəri, tökülmüş saçlar, tük və polen kimi tozun adi komponentlərinə əlavə olaraq, insanların hər gün nəfəs aldıqları tozda flüor aşkar ediblər. Bu cür maddələr suya davamlı emprenyelərə və parçalar üçün ləkə təmizləyicilərinə daxildir. Bu maddələr xərçəngin inkişaf riskini əhəmiyyətli dərəcədə artırır.

Məişət tozunda yanğına qarşı maddələr və ftalatlar da aşkar edilib. Onların mənbələri köhnə polistirol köpük, məişət plastik və hava təravətləndiriciləridir. Bu maddələr hormonal balanssızlığa və uşaqların inkişafında pozğunluqlara səbəb olur. Qurğuşun və asbest də təhlükəlidir.

Tozdan qorunmaq üçün mütəxəssislər sprey və köpük silənlərdən istifadə etməyi məsləhət görürlər. Yuma zərərli maddələrin 50%-ə qədərini təmizləyir. Mütəxəssislər həmçinin küçədən evə girərkən ayaqqabı dəyişdirməyi, kondisioner filtrlərini daha tez-tez təmizləməyi məsləhət görürlər.