Günəş altında qalmaq immunitet sistemini gücləndirir, hemoqlobin səviyyəsini artırır və bir sıra digər üstünlüklərə malikdir. Ancaq bunun da bir çox təhlükələri var.
Aztibb.az “Planet Today” nəşrinə istinadən xəbər verir ki, həddindən artıq ultrabənövşəyi şüalanma, xüsusən də solaryumlarda melanomanın (dəri xərçəngi) əsas səbəbi olaraq qalır. 35 yaşdan sonra solaryumdan istifadə edərkən melanoma inkişaf riski 75% artır.
Körpələr üçün günəş vannası qəbul etməyin riskləri də var, çünki ultrabənövşəyi şüalar uşağın sinir sisteminin inkişafı üçün zəruri olan fol turşusunu məhv edə bilər.
Birinci trimestrdə və ikincinin əvvəlində günəş vannası qəbul etmək xüsusilə təhlükəlidir, çünki bunlar fetal beyin inkişafı dövrləridir. Avstraliyalı tədqiqatçılar müəyyən ediblər ki, günəşə həddindən artıq məruz qalma uşaqlarda dağınıq sklerozun inkişaf riskini artırır.
Hamiləlik dövründə dəri ultrabənövşəyi radiasiyaya daha həssasdır, çünki hormonal dəyişikliklərdən təsirlənir. Həmçinin, qaraldığınız zaman dərinizdə tünd ləkələr əmələ gəlir.
Günəş vannası istisna edilmir, lakin uzun müddətli olmamlıdır və bir neçə vacib qaydaya da riayət etmək vacibdir. Şapka, günəş eynəyi və yüksək keyfiyyətli dəri qoruyucu vasitələrdən istifadə edilməlidir. Qarın da örtülməlidir. Günün ən isti saatlarında günəşə çıxmaqdan çəkinilməli və bol su içilməlidir.