İsrailli alim Mark Çoxen və Ümumdünya Səhiyyə Təşkilatının (ÜST) ekspertlərinin “The Lancet” jurnalında dərc olunan hesabatı ictimaiyyətin diqqətini çəkib. Hesabatda 80 milyon insanı öldürə biləcək yeni qripə bənzər virusun potensial təhlükəsi barədə xəbərdarlıq edilib.

Aztibb.az “Medzdrav İnfo”ya istinadən xəbər verir ki, tədqiqatçılar qeyd ediblər ki, virusun yeni variantlarının yayılma tempi dünya əhalisinin sağlamlığını təhdid edir. Mütəxəssislər yeni patogen ilə ispan qripi arasında oxşarlıqlar aşkar edərək, onun hava-damcı yolu ilə ötürülməsi və bir neçə gün ərzində bir çox insana yoluxma qabiliyyətini qeyd ediblər.

Alimlər əhalinin bu cür təhlükələrə hazır olmamasından da narahat olduqlarını bildiriblər. Onlar qeyd ediblər ki, dünya liderlərinin gördüyü tədbirlər xəstəliyin mümkün alovlanmalarının şiddətinə uyğun gəlmir. Ekspertlər qeyd ediblər ki, qloballaşma xəstəliklərin sürətlə yayılmasına səbəb olur və bəşəriyyət üçün təhlükəni daha da artırır.

Ekspertlər genişmiqyaslı epidemiyaların qarşısını almaq üçün təlimlərin və ölkələr arasında səmərəli əməkdaşlığın vacibliyini vurğulayaraq, yoluxucu təhlükələrlə mübarizə üçün qlobal səyləri artırmağa çağırırlar.