Neyrofiziologiya mütəxəssisi Dr. Mehmet Fatih Göl yuxu zamanı 10 saniyə nəfəs ala bilməmə simptomu ilə diaqnoz qoyulan yuxu apnesinin müalicə edilmədiyi təqdirdə infarkt və insult riskini artırdığını bildirib.

Aztibb.az “TRT Haber”ə istinadən xəbər verir ki, həkim yuxu zamanı nəfəs darlığı olaraq da bilinən yuxu apne sindromunun əhəmiyyətli bir xəstəlik olduğunu qeyd edib.

Xəstəlikdə xoruldama kimi açıq-aşkar şikayətlərin olduğunu ifadə edən həkim bildirib ki, xəstə nəfəsini kəsməkdən və sanki boğulurmuş kimi oyanmaqdan danışa bilər. Yaxud fün ərzində televizora baxarkən, divanda oturarkən və ya yemək yedikdən sonra yuxunun getməsindən şikayətlənir. Xoruldamaq gündüz nəfəsin dayanması və oyanmaq deməkdir. Yuxululuq şikayətləri və yuxu tutmaları bizi bu sindromu güclü şəkildə düşündürür”.

Nəfəs darlığının müddəti 10 saniyə ətrafında olarsa bu vəziyyəti ümumiyyətlə yuxu apnesi və ya hipopne olaraq qəbul edilir:
"Yuxu apnesini xəstənin yuxu zamanı 10 saniyədən çox nəfəs darlığı kimi təyin edə bilərik. Yuxu apnesi ən çox ölüm səbəblərindən olan ürək-damar xəstəlikləri, insult, hipertoniya, ağciyər hipertoniyası, ürək çatışmazlığı və ürək ritminin pozulmasına səbəb ola bilər. Bu xəstəliklər ən çox rast gəlinən ölüm səbəbləri arasındadır. Orta və ağır dərəcəli yuxu apne sindromu olanlarda risk daha yüksəkdir, lakin müalicə olunduqda bu xəstəliklərə yoluxma riskini azalır. Xəstə 10 saniyədən çox nəfəssiz olduqda, oksigen dəyəri azalır. Buna uyğun olaraq beyinə qan axını azala bilər, hormonal pozğunluq ola bilər, ateroskleroz ola bilər. Bunlar da beyin damar xəstəlikləri və ürək xəstəliklərinin bəzi səbəblərindəndir."

Yuxu apnesinin 2-ci tip şəkər xəstəliyinin səbəbi olduğu da bildirilir.