Qış aylarının gəlişi ilə yuxarı tənəffüs yollarının xəstəliklərində ciddi artım müşahidə olunur. Havalar soyuduqca və qapalı məkanlarda vaxt artdıqca yoluxma halları da artır.

Aztibb.az xəbər verir ki, mövzu ilə bağlı “Habertürk”ə açıqlama verən professor İrfan Şencan yuxarı tənəffüs yolu infeksiyalarının hər yaşda insana təsir edə biləcəyini söyləyib.

Həkim qeyd edib ki, bəzi insanlar bu xəstəlikləri yüngül şəkildə yaşasa da, xüsusilə risk qrupunda olanlarda xəstəlik daha ağır şəkildə irəliləyir.

Professor KOAH və ya ürək çatışmazlığı kimi xəstəlikləri olanların vəziyyətinin pisləşə biləcəyini vurğulayıb. Mövsümi xüsusiyyətlərin, izdihamlı və qapalı mühitlərdə olmanın bu dövrdə infeksiyaların artmasında təsirli olduğunu ifadə edib.

Həkim soyuqdəymə və viruslara qarşı nə etməli olduğumuza toxunub: “Soyuqdəymə viruslarının yüksək sıxlıqlı ötürülməsini azaltmaq üçün havalandırmaya diqqət yetirməliyik. Bundan əlavə, izdihamlı yerlərdə olacaq və ictimai nəqliyyata minəcək insanların maska taxması faydalı olardı... Əl gigiyenamıza da diqqətli olmalıyıq. Professor bu dövrdə qripə qarşı peyvəndin alınmasının da vacib olduğunu bildirib.