Kənd təsərrüfatında məhsullara və bitkilərə zərər verə biləcək həşəratları məhv etmək üçün istifadə edilən kimyəvi zəhər kimi təyin olunan 'Pestisidlər' sağlamlığa zərər verir.

Aztibb.az “T24” internet qəzetinə istinadən xəbər verir ki, dünyada hər il 4 milyon ton pestisiddən istifadə olunur. Pestisidlərdən istifadənin getdikcə nəzarətdən çıxdığına diqqət çəkən elm adamları "Göz önündə zəhərlənirik. Pestisidlərin yaratdığı təsirlər son dərəcə ağırdır. Aqroekoloji qida sistemi, yəni təhlükəsiz qidalar istehsal edilməlidir", - deyə xəbərdarlıq edirlər.

Avropa İttifaqının Qida Təhlükəsizliyi Təşkilatının (EFSA) qadağasına baxmayaraq, pestisidlərdən istifadə dünyada rekord həddə çatıb. Hər il dünyada 385 milyon pestisid zəhərlənməsi hadisəsi baş verir və 11 min insan həyatını itirir. Nəhayət, “Heinrich Böll Stiftung” Dərnəyi tərəfindən hazırlanan Pestisid Atlasında bu məsələyə diqqət çəkilib.

Pestisidlərə çox məruz qalanlarda ürək, ağciyər və ya böyrək çatışmazlığının yaşandığı bildirilir, Parkinson, lösemi, ağciyər və döş xərçəngi, 2-ci tip diabet, astma, allergiya, piylənmədə ciddi artımların olduğu qeyd edilir. Pestisidlərin təsiri ilə dünyada hormon pozğunluqları halının da artdığı görülməkdədir.

Atlasda çox ölkədə pestisidlərin istifadəsini azaltmaq üçün heç bir dövlət siyasətinin həyata keçirilmədiyi bildirilir. Bu dövlətlər tərəfindən pestisidlərin istifadəsini azaldacaq layihələrin həyata keçirilmədiyi, aqroekoloji yanaşmanın yer almadığı da qeyd edilir.

Məsələn, Hollandiya, Belçika, İtaliya və Portuqaliyada illik pestisid istifadəsinin hektar başına 5 kiloqramdan çox olduğu və 2020-ci ildə Türkiyə daxilində istifadə edilən pestisid miqdarının hektar başına 2,2-2,5 kiloqram olduğu iddia edilir və bu dəyər AB ölkələri ilə müqayisədə çox aşağıdır.