İsti içkilər və ya yemək yemək dilin və ağzın yanmasına səbəb olur. Tərkibində yüksək temperatur olan bu qidaların istifadəsi nəticəsində dil yanıqları yaranır. Bu yanıqlar ağrılı ola bilər. İnsan dilini yandırma sürətindən asılı olaraq müəyyən müddət ərzində dad hissini də itirə bilər. Dili yanığına qarşı ən yaxşı üsul duzlu sudur. Duzlu su anında yanma hissini aradan qaldırır və dildə yaraların yaranmasının qarşısını alır.
Aztibb.az “CNN Türk”ə istinadən “dil yanmasına nə xeyirdir, onu necə müalicə etmək olar?” suallarına cavab verib.
Dil yaraları və yanıqları üçün tövsiyə olunan müalicə üsullarından biri ani soyuq su və ya buz kompleksidir. Bu komplekslə dildə qabarcıq və ya açıq yara əmələ gəlməsinin də qarşısı alınır. Eyni zamanda dilin qalıcı zədələnməsinin qarşısı alınır.
Ağzı duzlu su və ya qazlı su ilə yaxalamaq da həmin an yanma hissini minimuma endirir. Yanıqların ciddi zərər verməməsi üçün bir müddət istehlak edilən qidaların temperaturuna və turşuluğuna diqqət yetirmək tövsiyə olunur.
Dil yanmasının bitki mənşəli müalicə üsulları da var. Evkalipt bitkisi bu mənada ən faydalı bitkilərdən biridir. Evkalipt dildə yanıqların ani rahatlamasını və tez sağalmasını təmin edir. Üstəlik, dad hissi qısa müddətdə geri qayıdır.
Həmçinin yüngül dəmlənmiş mixək çayı da məsləhət görülür. İsti şəkildə istehlak edilən bu çay yanma hissini qısa müddətdə aradan qaldırır və dili yaxşılaşdırır.
Dil yanıqları üçün bir müddət istehlak edilən qidalara diqqət yetirilməlidir. Bu mənada çox isti və ya çox soyuq yeməklərdən, turş və ya sərt qidalardan uzaq durmaq lazımdır.