Hindistan Tibb Elmləri İnstitutunun alimləri yoqa dərslərinin epilepsiya tutmalarının tezliyini azaltdığını aşkar edən araşdırma aparıblar.

Aztibb.az “Neurology” portalına istinadən xəbər verir ki, araşdırmalar epilepsiyadan əziyyət çəkən yüz altmış könüllü xəstə üzərində aparılıb.

Xəstələr 2 komandaya bölünü. 1-ci komandaya yoqa terapiyası verilib və 2-ci komandada iştirakçılar müxtəlif pozalar alıblar, lakin əzələlərini rahatlamağı və nəfəs almağa nəzarət etməyi öyrənməyiblər.

3 aylıq məşqdən sonra yoqa ilə ciddi məşğul olan birinci komandanın üzvlərinin epileptik tutmaların sayında əhəmiyyətli dərəcədə azalma olduğu ortaya çıxıb.

Stressli vəziyyətlər adətən sinir hüceyrələrinin artan həyəcanlılığına və epileptik tutmalara səbəb ola bilər. Yoqa dərsləri könüllülərə düzgün nəfəs alma və rahatlama üsullarını öyrənməyə imkan verir ki, bu da epileptik tutmaların daha az olmasına səbəb olur.