Toyuq əti yeməklərdə və ya qızardılmış qidalar kimi çox tez-tez istehlak olunur. Bu ət yüksək miqdarda protein ehtiva etdiyi üçün orqanizm üçün çox faydalıdır. Lakin toyuq ətinin saxlanması və ya bişirilməsi zamanı edilən bəzi səhvlər orqanizmi sözün əsl mənasında zəhərləyir. Bu səbəbdən toyuq əti istehlak edərkən diqqətli olmaq lazımdır.

Aztibb.az “CNN Turk”ə istinadən xəbər verir ki, mütəxəssislərin bildirdiyinə görə, yeməklərə ləzzət qatan və tərkibindəki zülalla orqanizmə faydalı olan toyuq düzgün bişirilmədikdə zəhər yaya bilər.

Toyuq ətini bişirməzdən əvvəl edilən səhvlər və toyuğun saxlanma üsulu bakteriyaların yayılmasına səbəb olur. Toyuq ətini soyuducuda saxlayarkən diqqətli olmaq lazımdır. Toyuq paketləri sulu olur, sızır və damlayır. Belə olduğu üçün soyuducuda olan meyvə və tərəvəz kimi digər qidaları da çirkləndirə bilər. Bu səbəbdən toyuq ətini soyuducu torbasında saxlamaq lazımdır.Mümkünsə soyuducunuzun alt çəkməcəsində saxlayın. Soyuducu torbaya bükülmüş toyuq ətini boşqaba qoyun.

Toyuq əti otaq temperaturunda qaldıqda onun tərkibindəki bakteriyalar çox tez çoxalır. Salmonella xüsusilə isti havalarda çoxalır.

Əgər toyuq ətini piştaxtada çox uzun müddət saxlasanız, qida zəhərlənməsinə səbəb olacaq bakteriyalar üçün çoxalma zəminini yarada bilərsiniz. Buz tutmuş toyuqları əritmək üçün sobada ististməyin, bunun əvəzinə, toyuq ətini bişirməyi planlaşdırmadan bir gecə əvvəl soyuducunuzda əridin. Əgər bişməzdən əvvəl toyuq yuyursunuzsa, böyük səhv edə bilərsiniz.

Çiy toyuq yeməkdən əvvəl yuyulmağa ehtiyac yoxdur. Çünki siz toyuq ətini təmizlədiyinizi düşünərkən, bakteriyaları çox tez yaymış ola bilərsiniz. Tədqiqatlar göstərir ki, quş ətini yuyarkən bakteriyaları üç metr kənara sıçrada bilərsiniz. Toyuqu yumadan qablaşdırmadan birbaşa bişirin.