Sərgidə Azərbaycan, Almaniya, Belarus, Cənubi Koreya, Çin, Əlcəzair, Rusiya, Fransa, Qazaxıstan, Qətər, Misir və Türkiyə də daxil olmaqla 14 ölkədən 100 şirkət iştirak edib.
Aztibb.az xəbər verir ki, sərgi 3 gün ərzində böyük sayda əcnəbi və yerli ziyarətçilərə qapılarını açıb. Bu zaman kəsiyində sərgi çərçivəsində iştirakçı şirkətlər, yerli və xarici nümayəndə heyətləri işgüzar görüş keçiriblər. Bundan əlavə, ekspert və mütəxəssislərin tibb sahəsində öz bilik və təcrübələrini bölüşdükləri sessiyalar, panel müzakirələri, yerli və xarici sahibkarların iştirak edəcəyi işgüzar B2B görüşlər və digər tədbirlər təşkil edilib.
"Medinex" 2023 sərgisi işgüzar tərəfdaşlığın inkişaf etdirilməsi və bu sahənin mütəxəssisləri ilə sahibkarlar arasında yeni əlaqələrin qurulması, müvafiq məlumatların mübadiləsi və sərfəli müqavilələrin bağlanması üçün səmərəli platforma kimi yüksək qiymətləndirilib.
Qeyd edək ki, sərginin keçirildiyi müddət ərzində Aztibb.az portalı tədbirin tərəfdaşı və media dəstəkçisi olub.