Barselona Universitetinin alimləri iki dildə danışmağın Alzheimer xəstəliyinin qarşısını ala biləcəyini müəyyən ediblər.
Aztibb.az “Science Direct”ə istinadən xəbər verir ki, tədqiqatçıların bildidiyinə görə, qocalıqdan əvvəl ikinci dil öyrənən ikidillilər təkdillilərə nisbətən daha çox boz maddə həcminə malikdirlər.
Onurğa beyni və beynin boz maddəsi neyron adlanan sinir hüceyrələrinin kolleksiyalarından ibarət sinir sisteminin bir hissəsidir. Boz maddədə atrofik proseslər başlayırsa, bu, neyron disfunksiyasına və sonradan demansın inkişafına səbəb olur.
Çox güman ki, inkişaf etmiş idrak qabiliyyətləri eyni vaxtda iki dildə danışmaq üçün insanın gündəlik zehni səy göstərməli və daim artan konsentrasiya vəziyyətində olması ilə əlaqəli idi. Bu bir tərəfdən beyni yorda bilər.
Buna baxmayaraq, belə gərginlik ümumi və işləyən yaddaşı məşq etdirir, həmçinin neyronların fəaliyyətini artırmaqla öyrənmə qabiliyyətini stimullaşdırır. Bu amillər birlikdə Alzheimer xəstəliyinə tutulma riskinizi azalda bilər.