TƏBİB-in tabeliyindəki Sumqayıt Tibb Mərkəzinin (STM) 1 nömrəli Ailə Sağlamlıq Mərkəzində “Uşaq hüquqları aylığı” çərçivəsində növbəti maarifləndirici tədbir keçirilib.

STM-dən Aztibb.az-a bildirilib ki, valideynlərin və uşaqların iştirak etdiyi “Uşaqlar bizim gələcəyimizdir” adlı tədbirdə ASM-in baş həkimi Təranə Mansurova tədbirin mahiyyəti haqqında iştirakçılara məlumat verib. Baş həkim ölkəmizdə uşaqlara göstərilən dövlət qayğısından, onların sağlam, firavan böyüməsi və gələcəklərinin tam təmin olunmasına xüsusi şərait yaradılmasından söz açıb.

Pediatriya şöbəsinin müdiri Şəbnəm Səlimova uşaqlarda profilaktik peyvəndin əhəmiyyətindən danışıb. O, uşaqların sağlam mühitdə tərbiyə olunmasının, gələcəyin peşəkar kadrları və cəmiyyətimizə layiqli vətəndaş kimi yetişmələrinin vacib olduğunu bildirib.

Sonda valideynləri maraqlandıran suallar cavablandırılıb.

Qeyd edək ki, “Uşaq hüquqları aylığı” Uşaq Hüquqları haqqında Konvensiyanın qəbul edilməsinin ildönümü ərəfəsində 20 oktyabr – 20 noyabr tarixlərində Azərbaycan Respublikasının İnsan Hüquqları üzrə Müvəkkili (Ombudsman) tərəfindən elan olunub.