Oksford Universitetinin tətbiqi riyaziyyat professoru Tom Krouford təyyarədə uşaqların gərginliyini aradan qaldırmaq üçün formula hazırlayıb.

Aztibb.az “Gazeta” nəşrinə istinadən xəbər verir ki, şirkətin mütəxəssisləri uçuş zamanı uşaqların şıltaqlıqlarının tezliyi ilə bağlı riyazi məlumatları təqdim ediblər. Orta hesabla, bir uşaq havaya qalxdıqdan 28 dəqiqə sonra hərəkət etməyə başlayır, hər epizod təxminən 15 dəqiqə davam edir.

Riyaziyyatçı uşaqların əsas qıcıqlandırıcılarının cansıxıcılıq, yuxululuq, aclıq və səs-küy olduğunu irəli sürüb. O, hər bir amilə sıfırdan ona qədər qiymət verib - bu miqyas problemin uğurla həll edilməsi ehtimalını göstərib.

Əgər valideyn bütün dörd stimulu aradan qaldıra bilirsə, o zaman uşaqların göz yaşlarının başlaması iki saat 10 dəqiqə gecikir. Düsturun müəllifi valideynlərə problemlərin həlli alqoritmini də təklif edib: uçuş zamanı uşaq 40 dəqiqə yatmalı, 30 dəqiqə cizgi filmlərinə baxmalı, 20 dəqiqə yemək yeməli, 15 dəqiqə musiqi dinləməlidir.