Prof. Cengiz Köksal süni qapaq ehtiyacı olmadan xəstənin öz toxuması ilə 'triküspit qapağı etmə üsulu' ilə dünya tibb ədəbiyyatına daxil olub. 

Aztibb.az-ın medimagazin.com.tr-yə istinadla xəbərinə görə, Cengiz Köksalın anası Neriman Köksal ürək qapağı çatışmazlığından əziyyət çəkib. Onun ürəyinə süni qapaq qoyulmasına baxmayaraq 58 yaşında infeksiya səbəbindən əməliyyatdan sonra vəfat edib.

Prof. Dr. Cengiz Köksal onu dünyaya gətirmək üçün həyatını riskə atan anasına olan sədaqət borcunu ürək qapaqlarının təmiri üsulları üzərində işləyərək ödəməyə çalışıb.

Keçən il dünya tibb ədəbiyyatına süni qapaq ehtiyacı olmadan xəstənin öz toxuması ilə ürək qapağının 'triküspid qapaq mitralizasiyası' üsulu ilə daxil olan prof. C.Köksal uşaqlıqda məruz qalan badamcıq infeksiyası səbəbiylə heç bir əlamətsiz irəliləyən və hamiləlik zamanı, xüsusən də qadınlarda birdən-birə və şiddətli şəkildə ortaya çıxa bilən mitral qapaq çatışmazlığına qarşı xəbərdarlıq edib.