Kaliforniya Universitetinin cərrahları ilk dəfə robotun köməyi ilə sidik kisəsi transplantasiyasını həyata keçirəcəklər.

Aztibb.az gazeta.ru-ya istinadla xəbər verir ki, həkimlər layihələrini Çikaqoda Amerika Uroloji Assosiasiyasının illik toplantısında təqdim ediblər.

Cənubi Kaliforniya Universitetinin uroloqları robotu idarə etmək üçün yüksək ayırdetmə qabiliyyətinə malik 3D kameradan istifadə etməklə dünyada ilk dəfə sidik kisəsinin transplantasiyası əməliyyatını həyata keçirməyi planlaşdırır. Robot insan cərrahlarından daha çevikliklə daha kiçik, daha dəqiq kəsiklər edə bilir.

Alimlər qeyd ediblər ki, ilk sidik kisəsi transplantasiyası bu orqanın xərçəngi olan insanların həyatını yaxşılaşdırmaq üçün tarixi bir addım ola bilər. Cərrahlar qrupu sınaqların 3 oktyabr 2025-ci ilə qədər tamamlanacağını təxmin edir.