Beynəlxalq tədqiqatçılar qrupu ilk dəfə insan beyin hüceyrələrini siçanlara uğurla köçürüblər. Sözügedən araşdırma insanlarda edilə bilməyən təcrübələrə imkan verəcək və epilepsiya kimi nevroloji xəstəliklərin müalicəsində inqilab edəcək.

Aztibb.az-ın medimagazin.com.tr-yə istinadla xəbərinə görə,  beyin xəstəliklərini daha yaxşı anlamaq və müalicə üsulları tezliklə tapa bilmək üçün elm adamları laboratoriyada yetişdirilən beyin hüceyrələrini iki və ya üç günlük siçanlara köçürüblər.

Yetkin siçanlar üzərində əvvəlki sınaqlardan fərqli olaraq, yeni tədqiqatın beyin hüceyrələri altı aydan sonra beynin üçdə birini təşkil edib, siçanların qərar qəbul etmə və fiziki reaksiyalarının bir hissəsinə çevrilib.

Tədqiqatçıların fikrincə, siçanlarda inkişaf etdirilən mutant beyinlər insanlarda olan xəstəliklərin ətraflı öyrənilməsinə imkan verəcək.