Halmstad Universitetində Diqqət Çatışmazlığı və Hiperaktivlik Pozuntusu (DÇHP) ilə bağlı araşdırmalar bu xəstəliyi olan uşaqlarda yuxunun yaxşılaşdırılması üçün yeni perspektivlər ortaya qoyub.

Aztibb.az xəbər verir ki, “Journal of Sleep Research” jurnalında dərc edilən araşdırma ağır yorğanların uşaqların yuxusunun keyfiyyətini və müddətini yaxşılaşdırdığını göstərib.

Tədqiqata görə, DÇHP-dən əziyyət çəkən 94 uşaq müşahidə edilib. Bir qrupa ağırlıqlı yorğanlar, digər qrupa isə adi yataq dəstləri verilib. Alimlər uşaqların yuxu fəaliyyətini portativ aktiqraflardan istifadə edərək ölçüblər ki, bu da yuxunun keyfiyyəti və müddəti haqqında dəqiq məlumat verib.

Tədqiqatın nəticələri açıq şəkildə göstərib ki, ağır yorğanlardan istifadə orta hesabla səkkiz dəqiqə daha çox yuxuya səbəb olur. Xəstə olan 11-14 yaş arası uşaqların hətta 16 dəqiqə daha çox yatdığı müşahidə edilib. Valideynlər də müsbət dəyişiklikləri təsdiqləyərək, ağır ədyallardan istifadə edən uşaqlarının yuxu keyfiyyətinin yaxşılaşdığını və yuxu problemlərinin azaldığını qeyd ediblər.

Bununla belə, bu metodun uzunmüddətli effektivliyini və təhlükəsizliyini təsdiqləmək üçün əlavə tədqiqatlar tələb olunur. Alimlər ümid edirlər ki, onların işləri bu xəstəlikdən əziyyət çəkən uşaqların həyat keyfiyyətini yaxşılaşdırmaq üçün qeyri-farmakoloji müalicələrin inkişafına kömək edəcək.