Professor Sərvət Altay barmaq və dırnaqlarda baş verən dəyişikliklərin bir çox xəstəliklərin əlaməti olduğunu bildirib.

Aztibb.az “TRT Haber”ə istinadən xəbər verir ki, profesor adətən həkimlərin fiziki müayinədən keçərək bir çox xəstəliklərin ilkin diaqnozunu qoya biləcəyini, eyni zamanda bəzi xəstəliklərin də qabaqcıl müayinə və görüntüləmə testlərinə ehtiyac olmadan təsbit edilə biləcəyini deyib.

"Ələ, barmaqlara və dırnaqlara baxaraq bəzi xəstəliklərdən şübhələnirik. Əllərində, barmaqlarında və dırnaqlarında dəyişiklik görənlər həkimə müraciət etməlidirlər”,- deyə mütəxəssis tövsiyə edib.

"Əgər dırnaqlar çox ağarırsa, bu, qaraciyər sirrozu kimi bir xəstəliyin əlaməti ola bilər. Barmaqlarda və dırnaqlarda sıyrıqlar varsa, bu, qan azlığının əlaməti ola bilər. Barmaqlarda ləkələr varsa, bu, qaraciyər sirrozu kimi bir xəstəliyin, yaxud revmatik xəstəliklərin əlaməti ola bilər. Əgər barmaq bənövşəyi rəngə çevrilibsə, qan xəstəlikləri və ürək çatışmazlığı görülə bilər”, - həkim vurğulayıb.

Qeyd edib ki, çubuq formalı barmaq ürək xəstəlikləri və KOAH kimi xəstəliklərin əlamətidir. Dırnaqda cizgilər görsək ağlımıza revmatik xəstəliklər gəlir. Ona görə də biz sadəcə dırnağa və barmağa baxmaqla xəstəlikləri görə bilirik.

Barmaq və dırnaqlarda baş verən dəyişikliklərin əhəmiyyətini vurğulayan professor "İnsanın barmaq və dırnaqlarında anomaliya varsa, revmatizm, ürək çatışmazlığı, ağciyər və hematoloji xəstəlikləri araşdırmaq lazımdır. Barmaqlar və dırnaqlar insanın aynasıdır. Onlara baxanda bir çox xəstəliklər görə bilərik” deyib.