Tibb elmləri doktoru, professor Dmitri Lioznovun sözlərinə görə, dünya yeni pandemiyanın astanasındadır.

Aztibb.az “Actual News” portalına istinadən xəbər verir ki, professor mümkün yeni epidemiyaya hazırlaşmağın zəruriliyi barədə xəbərdarlıq edib.

Xatırladaq ki, 2019-cu ildə başlayan qlobal COVID-19 pandemiyası bütün dünya ictimaiyyəti üçün ciddi fəsadlara səbəb olub. Dünyada milyonlarla insan virusa yoluxub və yüz minlərlə insan bu təhlükəli infeksiyadan dünyasını dəyişib. Elmi ictimaiyyət və tibb mütəxəssisləri bu pandemiyanın öhdəsindən gələ bilsələr də, gələcəkdə oxşar hadisənin baş verməyəcəyinə heç kim zəmanət verə bilməz.

Alim yeni pandemiyanın uzaqda olmaya biləcəyini göstərən bir neçə işarəyə diqqət çəkib.

Birincisi, Ümumdünya Səhiyyə Təşkilatı (ÜST) da yeni bir pandemiyanın qaçılmaz olduğuna inandığını açıqlayıb. ÜST dövlətləri və beynəlxalq ictimaiyyəti mümkün itkiləri minimuma endirməyə hazırlaşmağa çağırıb.

"Bunu proqnozlaşdırmaq çətindir, hələ ki dalğalar, ağır hallar yoxdur. Lakin xəstələnmə nisbəti ümumilikdə azalsa da, yeni pandemiya riski hələ də mövcuddur. Professor onu da izah edib ki, hazırda ağır xəstəliyi olanlar və yaşlılar risk altındadır. Ancaq bu, gənc və sağlam insanların risk altında olmadığı anlamına gəlmir”, - deyə alim bildirib.

Buna görə bütün ehtiyat tədbirlərini görmək və tibb mütəxəssislərinin tövsiyələrinə riayət etmək lazımdır.

COVID-19-dan xəstələnmə və ölüm hallarının azalmasına baxmayaraq, ÜST pandemiya ilə bağlı vəziyyət haqqında aylıq məlumat dərc edir ki, bu da yeni halların sayının və ölüm hallarının azaldığını göstərir. Bu, müsbət tendensiyadır, lakin biz rahatlaşmamalı və ehtiyat tədbirlərinə məhəl qoymamalıyıq.

ÜST-ün rəhbərliyi də yeni pandemiyalara hazırlaşmağın zəruriliyinə diqqət çəkib.

Yeni infeksiyaların vaxtında aşkar edilməsi və onlara qarşı reaksiya sisteminin işlənib hazırlanması, eləcə də bütün dünyada səhiyyə sistemlərinin gücləndirilməsi vacib tələbdir.

Beləliklə, professor Lioznovun yeni pandemiyanın qaçılmazlığı barədə xəbərdarlığı bütün dünya ictimaiyyəti üçün ciddi həyəcan siqnalıdır: “Biz ehtiyat tədbirləri görməyə davam etməli, tibb mütəxəssislərinin tövsiyələrinə əməl etməli və dərk etməliyik ki, gələcək təhlükələrlə mübarizə üçün hazırlıq və səfərbərlik əsasdır. Yalnız qüvvələri birləşdirərək və bütün bilik və resurslarımızı tətbiq etməklə biz yeni pandemiyalara qarşı dura və bütün bəşəriyyətin təhlükəsizliyini və rifahını təmin edə biləcəyik”.