Britaniya alimləri aşkar ediblər ki, həmvətənləri ən çox yanvarın 6-da həyatla vidalaşırlar.
Aztibb.az “Gazeta” nəşrinə istinadən xəbər verir ki, həyatdan sonrakı xidmətlər şirkəti “Beyond”un araşdırmasına görə, 6 yanvar britaniyalıların əksəriyyətinin vəfat etmə ehtimalı yüksək olan gündür.
Beləliklə, 2005-ci ildən başlayaraq uzun müddət ərzində hər gün orta hesabla 1387 Böyük Britaniya sakini ölür. Bununla belə, yanvarın 6-da ölüm göstəricisi bu orta gündəlik statistikanı keçərək 1732 nəfərə çatıb.
Dekabrın 30-dan yanvarın 9-dək olan dövr, yanvarın 3-ü istisna olmaqla, ölüm hallarının ən yüksək olduğu on gündür. Səbəblərdən biri kimi soyuq hava və il dəyişdikdə immunitet sisteminin zəifləməsi hesab olunur.
Ölümün minimal olduğu ən təhlükəsiz gün 30 iyul - isti hava ilə yay ortasıdır.