Narahatlıq və qorxu insan orqanizminin təbii reaksiyalarıdır, təkamüllə bizə xasdır, lakin tez-tez bu duyğular xəstənin özünün belə fərqinə varmadığı bir patologiyaya çevrilə bilər.

Aztibb.az “Med Novelty” portalına istinadən xəbər verir ki, bu barədə psixiatr və sübuta əsaslanan tibb üzrə ekspert Aleksandr Meşçeryakov danışıb.

Onun sözlərinə görə, 5-10% hallarda narahat psixi pozğunluqlar gizlədilir, maskalanır və emosional olaraq hiss olunmur.

"Lkin fiziki simptomlar görünür. Gizli narahatlıq zamanı bunlar baş ağrıları, əzələ gərginliyi, ürək döyüntülərinin artması, təzyiq artımları, bağırsaq və sidik kisəsi ilə bağlı problemlər ola bilər. Çox vaxt belə xəstələr qastroenteroloqlar, kardioloqlar, uroloqlar, ginekoloqlar və s. tərəfindən daimi müayinə olunurlar. Həkimlərdən biri onları psixiatra göndərənə qədər dövrə vururlar”, - nevroloq yekunlaşdırıb.