TƏBİB-in tabeliyindəki İsmayıllı Rayon Mərkəzi Xəstəxanasının ixtisaslı həkimlərindən ibarət briqada hər həftənin şənbə günü rayonun ucqar kəndlərində vətəndaşları müayinə edir.
Bu barədə Aztibb.az-a Rayon Xəstəxanasından bildirilib.
Həkimlərin növbəti xəstə qəbulu Lahıc Ailə Sağlamlıq Mərkəzində baş tutub.
ASM-in tibb bacısı Zemfira Əliyevanın təşkilatçılığı ilə endokrinoloq Səmayə Bağırova, terapevt Sevinc İsmayılova, pediatr Maya Məmmədova xəstələri müayinə edib, lazımi müalicə və məsləhətlərini veriblər. Daha ətraflı diaqnostik müayinəyə ehtiyacı olan xəstələr isə Mərkəzi Xəstəxanaya yönləndiriliblər.
Məqsəd ucqar kəndlərimizdə yaşayan, müayinə və müalicə olunmaq üçün rayon mərkəzinə gəlməkdə çətinlik çəkən insanlara, eyni zamanda aztəminatlı əhaliyə tibbi xidmətlərin əlçatanlığını təmin etməkdir.
