Qlazqo Universiteti və Karolinska İnstitutundan olan tədqiqat qrupu bioloji qocalmanın ən dəqiq testini yaradıb.

Aztibb.az “Medical Xpress” nəşrinə istinadən yazır ki, bədənin faktiki qocalmasının xronoloji yaşdan nə qədər fərqləndiyini ölçən epigenetik saat üçün test DNT metilasiya işarələrinin biokimyəvi analizinə əsaslanır.

Onu inkişaf etdirmək üçün xroniki böyrək xəstəliyi olan 400-dən çox xəstənin məlumatları öyrənilib və daha sonra 100 nəzarət qrupu ilə müqayisə edilib.

Alimlər həmçinin qan biomarkerlərindən və dəri avtoflüoresansından istifadə ediblər. Müxtəlif testlərin effektivliyi böyrək transplantasiyasından və ya dializ müalicəsinin başlanmasından bir il sonra yoxlanılıb.

Məlum olub ki, xroniki böyrək çatışmazlığı olan xəstələrdə bioloji qocalma sağlam insana nisbətən daha tez baş verir. Üstəlik, bu, dializ başlayandan sonra da baş verir və yalnız böyrək transplantasiyasından sonra dayanır.

Bütün epigenetik saat qiymətləndirmə sistemlərinin təxminən eyni nəticələrinə baxmayaraq, müəlliflər sağlam toxuma üzərində sınaqdan keçirildikdə onların hamısının müxtəlif dərəcədə qeyri-dəqiq olduğu qənaətinə gəliblər. Bununla belə, onların yeni metodu həm sağlam, həm də qeyri-sağlam toxumalarda klinik şəraitdə sınaqdan keçirildikdə ən dəqiq nəticələri göstərib.