"Azərbaycan Uşaqları" İctimai Birliyi Uşaq Sığınacağı- Reinteqrasiya Mərkəzində TƏBİB və İcbari Tibbi Sığorta üzrə Dövlət Agentliyinin təşəbbüsü, Nizami Tibb Mərkəzinin iştirakı ilə tibbi aksiya keçirilib.

Bu barədə Aztibb.az-a Nizami Tibb Mərkəzindən xəbər verilib.

Tibbi aksiyanın məqsədi xüsusi qayğıya ehtiyacı olan uşaqların sağlamlığı ilə bağlı problemlərini erkən aşkarlamaq və ağırlaşmaların qarşısını vaxtında almaqdır.

Aksiya pediatr, psixoloq, ginekoloq, dermatoloq, oftalmoloq, radioloq, nevroloq, uşaq cərrahı, kardioloq, terapevt və infeksionist ixtisasları üzrə bir neçə ixtisas həkiminin müayinələri əsasında həyata keçirilib.