Həkimlər briqadası üzvlərindən Akademik Zərifə Əliyeva adına Milli Oftalmologiya Mərkəzinin oftalmoloq-cərrahları Məhərrəm Pirmətov və Rövşən Rəcəbli xəstələri müayinə edib, o cümlədən əməlliyatlar üçün ilkin baxış həyata keçiriblər.

 

Bu dekada çərçivəsində Özbəkistanın ixtisaslaşmış tibb mərkəzləri və aparıcı regional tibb müəssisələrində birgə yüksək texnologiyalı əməliyyatlar, təlimlər, minimal invaziv cərrahiyyə, oftalmologiya, onkologiya, ginekologiya və digər istiqamətlər üzrə konsultasiyalar keçiriləcək.

 

Özbəkistan-Azərbaycan səhiyyə dekadası sektorun inkişafında yeni imkanlar yaradacaq. Belə ki, səhiyyə sisteminin rəqəmsallaşdırılması, əczaçılıq, xalq təbabəti, tibb təhsili və elmi sahəsində əməkdaşlığın daha da inkişaf etdirilməsi məsələləri müzakirə olunacaq.

 

Son olaraq, tədbir çərçivəsində 11 oktyabr tarixində səhiyyə sahəsində Özbəkistan-Azərbaycan səhiyyə forumu həyata keçiriləcək və həmin tarixdə də səhiyyə dekadası yekunlaşacaq.