Azərbaycan Respublikasının Birinci vitse-prezidenti, Heydər Əliyev Fondunun Prezidenti Mehriban xanım Əliyevanın təşəbbüsü ilə 2005-ci ildə başlanılmış “Talassemiyasız həyat naminə” proqramı çərçivəsində mütəmadi olaraq qanvermə aksiyaları keçirilir. Könüllü qanvermə aksiyalarından toplanan qan irsi qan xəstəliklərindən əziyyət çəkənlərin müalicəsinə sərf olunur.
Tovuz rayon İcra Hakimiyyətinin təşkilatçılığı və Milli Hematologiya və Transfuziologiya Mərkəzinin təşəbbüsü ilə Tovuzda könüllü qanvermə aksiyası təşkil olunub.
Bu barədə Aztibb.az-a Tovuz Rayon Mərkəzi Xəstəxanasından məlumat verilib.
Diaqnostika və Hemodializ Mərkəzində keçirilən aksiyada hüquq-mühafizə orqanlarının, rayonun idarə, müəssisə və təşkilatlarının əməkdaşları, eləcə də rayon sakinləri könüllü qan verərək, ehtiyat qan bankının zənginləşdirilməsinə dəstək olublar.
