Ümumdünya Səhiyyə Təşkilatının (ÜST) baş direktoru Tedros Adhanom Qebreyesus dünyada 90 mindən çox meymunçiçəyi virusuna yoluxma halının müşahidə edildiyini və 156 nəfərin bu xəstəlikdən öldüyünü bildirib.
Aztibb.az-ın medimagazin.com.tr-yə istinadla xəbərinə görə, T.Qebreyesus bunu ÜST-nin həftəlik mətbuat konfransında söyləyib.
O, 114 ölkədə meymunçiçəyinə yoluxmanın baş verdiyini, xüsusilə Asiyada son 2 ayda yoluxma sayında artımın müşahidə edildiyini diqqətə çatdırıb.
ÜST rəhbəri, həmçinin 2 həftə əvvəl COVID-19-un uzunmüddətli idarə olunması ilə bağlı daimi tövsiyələrin dərc edildiyini və bu virusun qlobal sağlamlıq təhlükəsi olmağa davam etdiyini deyib. T.Qebreyesus bəzi ölkələrdə epidemiya səbəbiylə xəstəxanalara yerləşdirmə, reanimasiyaya müraciət və ölüm hallarının artdığını bildirib.
