Araşdırmalar göstərib ki, zeytun yağı və qoz-fındıq yağlarından zəngin olan, lakin adi pəhrizlərdən daha az ət ehtiva edən Aralıq dənizi pəhrizi edən insanlar daha uzun və sağlam yaşayırlar.

Aztibb.az phys.org-a istinadən xəbər verir ki, Stanford Tibb Məktəbinin rəhbərlik etdiyi tədqiqatçılar, monodoymamış yağ turşularının laboratoriya qurdlarının ömrünü uzatmaq üçün hüceyrə səviyyəsində fəaliyyət göstərdiyini aşkar ediblər. Bu kəşf pəhriz, yağ və uzunömürlülük arasındakı mürəkkəb əlaqəni göstərib.

Tədqiqatçılar Aralıq dənizi pəhrizindəki yağlardan biri olan oleik turşunun iki əsas hüceyrə strukturunu artırdığını və oksidləşmə adlanan kimyəvi reaksiya zamanı hüceyrə membranlarını zədələnmədən qoruduğunu aşkar ediblər.

Təcrübə zamanı olein turşusunun qoruyucu təsirinin olduğu müəyyən edilib. Oleik turşusu ilə zəngin bir pəhriz ilə qidalanan qurdlar, standart pəhriz ilə qidalananlardan daha uzun yaşayıb.