Unutmayaq ki, müqəddəs olan ailə deyil, hər bir insanın fiziki və psixoloji şiddət görmədən, güvənli bir yuvada yaşamaq hüququdur.
Aztibb.az xəbər verir ki, uzman psixoloq Cəmilə Rəhimli toksik ailə üzvü ilə mübarizə aparmaq üçün 6 metodu tövsiyə edib:
Onları dəyişdirə bilməyəcəyinizi qəbul edin:
Yəqin ki, dəfələrlə cəhd etmisiniz və bilirsiniz ki, etdiyiniz və ya dediyiniz heç bir şey onları dəyişdirməyəcək.
Bu situasiya ilə bağlı necə hiss etdiyinizi dəyişdirməyə fokuslanın.
Özünüz və həyatınız haqqında onlarla bölüşdüyünüz məlumatları məhdudlaşdırın:
Özəl həyatınızla bağlı yenilikləri bölüşməyin və şəxsi suallara cavab verməyin. "Bu mövzu haqqında danışmaq istəmirəm" deyib, mövzunu dəyişdirin.
Onların razılığını almağa çalışmayın:
Əgər hər dəfə onlar tərəfindən təsdiqlənməyə çalşsanız, hər dəfə də onları razı salmağa çalışacaqsınız və daha da incidiləcəksiniz.
Onlara öz sərhədlərinizi bildirin:
Sizə qarşı necə davranmalarını gözlədiyinizi və sərhədlərinizi pozduqları təqdirdə nə edəcəyinizi izah edin.
Çox güman ki, onlar sərhədlərinizi pozacaqlar və siz bunun nəticələrinə əməl etməlisiniz.
Planlı bir çıxış strategiyanız olsun:
Yenə bir mübahisənin və ya davanın başladığını hiss etdiyinizdə, bu münaqişəyə girməyin.
Bu cür gərginlikləri, vəziyyət daha da pisləşmədən, oradan uzaqlaşmanız gərəkdiyinin bir işarəsi olaraq qəbul edin.
Sizi həqiqətən dəstəkləyən insanlara güvənin:
Sizi önəmsəyən və sizə həqiqətən dəyər verən insanlardan ibarət bir sosial ətrafa sahib olmaq, mental sağlamlığın əsas faktorudur.