Uşaqlarda gözlərin yorulması zaman uşağı monitordan uzaqlaşdırmaq kifayət edər ki, gözlər dincəlsin. Yaxın məsafədə iş zamanı 20/20/20 qaydasına riayət etmək məsləhət görülür.

Aztibb.az-a müsahibəsində oftalmoloq Naibə Bağırova gözdə qırmaya səbəb olan amillər və müayinəsi haqqında məlumat verib.

Yad cismin düşməsi də sıx-sıx qırpmaya səbəb olur. Bu zaman gözlər yuyulur. Kömək etməzsə həkimə müraciət olunmalıdır.

Quru göz sindromu. Otaqda quru hava, monitor qarşısında çox vaxt keçirtmək, göz gərginliyi və s. quru göz sindromuna səbəb ola bilər. Müayinə zamanı səbəb araşdırılır və göz nəmləndirici damla təyin olunur.

Zəif görmə. Uşaqlar uzağa baxdıqda gözünü qıyırsa, çox ehtimal görmə zəifliyi var. Göz gərgin olduqda sıx-sıx qırpma da ola bilər. Oftalmoloqun muayinəsi vacibdir.

Konyunktivit. Gözün selikli qişasının iltihabıdır. Virus, bakterial, allergik mənşəli olur. Səbəbindən asılı olaraq müalicə təyin olunur.

Bəzən uşaqda sıx-sıx qırpma psixoloji faktorlarla baqlı olur. Bu zaman nevroloq müayinəsi məsləhət görülür.