Tromboz və infarkt kimi təhlükəli vəziyyətlər birbaşa qatı qanla bağlıdır.

Aztibb.az news.ru-ya istinadən xəbər verir ki, hematoloq Svetlana Bıçkova sözlərinə görə, bir sıra simptomlar ölümcül təhlükədən şübhələnməyə kömək edir.

Qatı qan təhlükəlidir, çünki qan axını yavaşlayır. Bu, ürək, beyin, böyrəklər, ağciyərlər də daxil olmaqla, həyati vacib orqanların kiçik damarlarında mikrosirkulyasiyanı pozur.

Ən çox yaşlı insanlarda müşahidə olunan aşağıdakı əlamətlər qanın qalınlaşmasını göstərə bilər. Bu, barmaqların uclarında keyimə, daimi baş ağrıları, tez-tez başgicəllənmədir. Belə simptomlar olduqda həkimlə görüş təyin etməlisiniz. Mütəxəssis analizlə qan laxtalanma qabiliyyətini qiymətləndirəcək.

Kardioloq Anna Koreneviç isə bildirib ki, mütəxəssislər qanı durultmaq üçün xüsusi dərmanlardan - antikoaqulyantlardan istifadə edirlər, lakin onlar yalnız həkim tərəfindən göstərildiyi kimi qəbul edilməlidir. Yanlış qəbul edildikdə, dərmanlar ülserlərin meydana gəlməsinə, qanaxmaya, o cümlədən həyat üçün təhlükə yarada bilər.

Qanı durulaşdırmaq üçün insan tək başına nə edə bilər? İlk növbədə gün ərzində kifayət qədər maye içmək lazımdır, təxminən bir litr yarım.

Anna Koreneviç əlavə edib ki, qəhvə və spirt, xüsusilə də pivə istehlakını azaltmaq vacibdir. Siqaretdən tamamilə imtina edilməlidir, nikotin qanın tərkibinə mənfi təsir göstərir.