Süni intellektlə işləyən smartfon proqramı siqareti tərgitməyə çalışan insanlara kömək edə bilər.

Aztibb.az xəbər verir ki, “Nicotine and Tobacco Research” jurnalı alimlərin araşdırmasının nəticələrini dərc edib.

“Quit Sense” proqramı Şərqi İngiltərə Universitetinin mütəxəssisləri tərəfindən hazırlanıb.

Süni intellekt hansı yerlərdə, situasiyalarda və hansı vaxtda siqaret çəkmək istəyinin olduğunu təhlil edir. İstifadəçidə siqaret çəkmək istəyi yarandıqda smartfon siqnal verir.

Alimlərin təcrübəsində 209 aktiv siqaret çəkən insan iştirak edib. Altı aydan sonra “Quit Sense”dən istifadə edən könüllülərin böyük əksəriyyəti siqareti tərgidib.