Səhiyyə Nazirliyi Elmi-Tədqiqat Kardiologiya İnstitutunun təşəbbüsü ilə “Heydər Əliyev İli” çərçivəsində növbəti tibbi aksiya təşkil olunub.

İnstitutdan Aztibb.az-a bildirilib ki, aksiyada Tərtər rayonundan gətirilən şəhid anaları bu tibb müəssisəsində müayinlərdən keçiblər.

Həssas kateqoriyalardan olan 30-dan artıq şəhid anası kardioloji, endokrinoloji, şüa-diaqnostika və nevroloji müayinələrdən keçib. Onlara EKQ, ExoKQ və USM müayinəsi və muasir beynəlxalq standartlara cavab verən laborator müayinələr də aparılıb.

Müayinələrin nəticələrinə əsasən xəstələrə müvafiq müalicələr təyin edilib, digər patologiya aşkar olunan şəxslər isə ixtisaslaşmış tibb müəssisələrinə yönləndiriliblər.

Günün sonunda şəhid anaları üçün iftar süfrəsi də verilib.

Tədbir Tərtər Rayon İcra Hakimiyyətinin dəstəyi ilə keçirilib.