Qazax Rayon Mərkəzi Xəstəxanasının Daş Salahlı kənd həkim məntəqəsində akademik Zərifə Əliyevanın 100 illik yubileyi münasibətilə səyyar tibbi göz müayinəsi təşkil edilib.

 

Aztibb.az-a bu barədə Xəstəxanadan məlumat verilb.

 

Aksiyada iştirak edən kənd sakinləri həkim-oftalmoloqlar tərəfindən müayinə edilib, onların görmə itiliyi, göz təzyiqi yoxlanılıb və zəruri müalicə tədbirləri müəyyənləşdirilib.

 

Ehtiyacı olan xəstələr daha dərin müayinə və müalicə üçün Qazax Rayon Mərkəzi Xəstəxanasına göndəriliblər.

 

Qazax Rayon Mərkəzi Xəstəxanasının tibbi avadanlıqlarla təchiz olunmuş səyyar həkim briqadası tərəfindən aparılan müayinə tədbirləri günün sonuna kimi davam edib.

 

Xəstəxananın həkim-oftalmoloqu Rahilə Əhmədovanın sözlərinə görə, aksiyanın keçirilməsində əsas məqsəd əməkdaşları iş prosesindən ayırmadan onların göz patalogiyalarını aşkar etmək və monitorinqlər aparmaqdır.

 

Göz müayinəsinin keçirilməsi üçün səyyar briqadanın səmərəli texniki imkanlara malik olduğunu söyləyən Rahilə Əhmədova aparılan müayinələr zamanı quru göz sindromu və spazm kimi patalogiyaların aşkarlandığını diqqətə çatdırıb. O, bu patalogiyaların kompüterlə sıx təmasda olan insanlar üçün xarakterik olduğunu bildirib.