Cəbrayıl Rayon Mərkəzi Xəstəxanasında "Heydər Əliyev İli" çərçivəsində tibbi aksiya təşkil edilib.

Xəstəxanadan Aztibb.az-a bildirilib ki, aksiya müəssisənin tabeliyində olan və Saatlı rayonu ərazisində fəaliyyət göstərən Əlisoltanlı Fin evi Həkim məntəqəsində TƏBİB-in dəstəyi ilə keçirilib.

Tibbi aksiya mərkəzi xəstəxananın direktoru Anar Zamanov və xəstəxananın cərrahı, nevropatoloqu, pediatrı, terapevti və digər tibbi işçiləri tərəfindən aparılıb.

Müayinə olunmaq üçün həmin qəsəbədə məskunlaşan cəbrayıllı köçkünlərlə yanaşı, digər rayonlardan olan yüzə yaxın sakin də aksiyaya cəlb olunub.