Bakıda ətraf mühit, sosial və korporativ idarəetmə üzrə I Bakı beynəlxalq konfransı keçirilib.

 

Aztibb.az İSİM-ə istinadla xəbər verir ki, Səhiyyə Nazirliyi İctimai Səhiyyə və İslahatlar Mərkəzi (İSİM) ilə əməkdaşlıqla təşkil edilən, dövlət qurumlarının nümayəndələri və sahibkarların iştirak etdiyi konfrans sosial məsuliyyət və dayanıqlı inkişafla bağlı prioritet mövzuları əhatə edib.

 

Müxtəlif sahələrdə çalışan, geniş təcrübəyə malik tanınmış ictimai xadimlər və mütəxəssisləri bir araya gətirməklə dayanıqlı inkişaf üzrə mühüm mövzuların müzakirəsi əsasında növbəti illər üçün yol xəritəsinin hazırlanmasına töhfə vermək konfransın əsas məqsədi olub.

 

Konfransda uğurlu təcrübələr bölüşüldü, ölkəmizdə ətraf mühitin qorunması istiqamətində görülən işlərdən bəhs olunub, cəmiyyətin inkişafına hesablanan sosial yönümlü layihələrə dəstək verilməsinin əhəmiyyəti qeyd olunub.