Qərbi Kaspi Universitetinin Yüksək texnologiyalar və innovativ mühəndislik fakültəsinin “Biologiya” ixtisası üzrə IV kurs tələbələri Elm və Təhsil Nazirliyinin Mikrobiologiya İnstitutunda istehsalat təcrübəsinə başlayıb.

İnstitutdan Aztibb.az-a verilən məlumata görə, istehsalat təcrübəsi iki müəssisə arasında qarşılıqlı əməkdaşlıq müqaviləsinə əsasən təşkil olunub.

İlk gün tələbələrə Mikrobiologiya İnstitutunun strukturu, əsas fəaliyyət istiqamətləri, laboratoriyaların elmi fəaliyyəti barədə məlumat verilib.

Yeddi həftə davam edəcək təcrübə dövründə tələbələr onlar üçün hazırlanmış proqrama əsasən, institutun elmi işçiləri tərəfindən elmi tədqiqat işlərinə cəlb olunacaq və öyrəndikləri nəzəri bilikləri real iş şəraitində tətbiq etmək imkanı əldə edəcəklər.