Böyüklər körpələri öpərkən ciddi xəstəliklərə yoluxma təhlükəsi ilə üz-üzə qoyurlar.  

Aztibb.az cnnturk.com-a istinadən xəbər verir ki, bunu uşaq sağlamlığı və xəstəlikləri mütəxəssisi Başak Tanır bildirib: “Ənənələrimizdə adi hal olsa da, gəlin kiçik körpələri öpməyək, çünki onların immun sistemi zəifdir. Yeni doğulan körpələrin, hətta 1 yaşa qədər olan körpələrin immun sistemi güclü olmaya bilər”. 

Qeyd edib ki, soyuq havalar və mövsüm keçidləri ilə indiki dönəmdə soyuqdəymə, qrip, pnevmoniya, otit, faringit, sinüzit kimi yuxarı tənəffüs yolu infeksiyaları sıx görülür. 

Xüsusilə vaxtından əvvəl doğulan körpələrdə müdafiə sistemi kifayət qədər inkişaf etmədiyi üçün vaxtında doğulan körpələri ilk aylarda ağız və tüpürcəklə təmasdan qorumaq lazımdır. Xəstə insanlar körpələri öpəndə bu, ciddi xəstəliklərə səbəb ola bilər: "Valideynlər də bunu çəkinmədən deməyi bacarmalıdırlar. Utanmamaq üçün uşağınızın sağlamlığını riskə atmayın. Ən təhlükəsiz hal məsafədən əzizləməkdir”. 

Həkim uşaqlı evlərdə görülə biləcək tədbirləri sadalayıb: “Xüsusən də körpə balaca olanda izdihamlı şəkildə qonaq qəbul etməyək. Körpəyə qulluq edənlər əl gigiyenasına diqqət yetirməlidirlər. Bir nömrəli qaydalarımızdan biri əl gigiyenasıdır. Körpələri nəzərə alaraq, bol C vitamini qəbul etməyə və vaxtaşırı qış çayı içməyə diqqət edək".