Səhiyyəmizin inkişafı, ilk növbədə, peşəkar mütəxəssislərdən - həkimlərdən və digər tibb işçilərindən aslıdır.

Ən dəyərli nemət olan sağlamlığın keşiyində duran həkimlərimizdən biri də Mehriban Qurbanovadır.

"Həkimlərimizi tanıyaq!" rubrikasında söz açacağımız Zaqatala Rayon Mərkəzi Xəstəxanasının həkim-psixiatrı Mehriban Qurbanova mənalı həyatını bütünlüklə şərəfli işinə, müqəddəs peşəsinə, insanların problemlərinə və sağlamlığına həsr edib.

O, 20 fevral 1955-ci ildə Lənkəran rayonunda anadan olub. 1971-1977-ci illərdə N.Nərimanov adına Azərbaycan Dövlət Tibb İnstitutunda Müalicə işi ixtisası üzrə ali təhsil alıb. 1978-ci ildə 2 saylı Psixiatrik Kliniki Xəstəxanasının bazasında internatura keçərək psixonevroloq ixtisasına yiyələnib.

M.Qurbanova 1979-cu ildə Lənkəran rayon Psixiatriya Xəstəxanasında həkim-psixiatr kimi işə başlayıb, 1980-cı ildən bu günədək Zaqatala Rayon Mərkəzi Xəstəxanasında həkim-psixiatr vəzifəsində fəaliyyətini davam etdirir.