İnfluenza (A) və ya donuz qripi uşaqların ən çox rastlaşdığı xəstəliklərdən biridir. 

Aztibb.az aksam.com.tr-yə istinadən xəbər verir ki, donuz qripi qapalı mühitlərdə asan yoluxma riski səbəbindən uşaqların ən çox rastlaşdığı xəstəliklərdəndir. 

Dr. Betül Sarıtaş bildirir ki, son zamanlar ani başlayan yüksək hərarət, boğaz ağrısı, burun axması və əzələ ağrıları kimi şikayətlərlə sıx müraciətlər olur. İnfluenza virusu ümumiyyətlə tənəffüs yolu ilə keçdiyi üçün yoluxma riski var. Uşaqlar üçün bu risk son dərəcə yüksəkdir. 

İnfluenza testi müsbət çıxan xəstələrdə ilk 48 saat ərzində antiviral müalicəyə başlanması məsləhətdir. 

İnfluenza virus infeksiyası olduğu üçün xüsusilə antibiotiklərdən istifadə edilmir. Xəstəlik irəliləyirsə və bakterial infeksiya əlavə olunarsa, antibiotiklərdən istifadə oluna bilər. Ona görə də ailələr həkimə müraciət etmədən antibiotikləri təsadüfi verməkdən mütləq çəkinməlidirlər.