Koronavirusun “Kraken” adlanan yeni ştamı yüksək yoluxuculuğu və sürətlə yayılması səbəbindən xüsusilə təhlükəlidir.
Aztibb.az-ın komi.kp.ru-ya istinadən verdiyi xəbərə görə, bu barədə pulmonoloq Oksana Andronova məlumat verib.
Həkimin sözlərinə görə, "Kraken" xroniki xəstəlikləri olan insanlar üçün ağır fəsadlar törədə bilər. Yeni ştamın əlamətləri onun sələfindən – "Omikron"dan çox da fərqlənmir. Xəstələrdə qızdırma, öskürək, burun axması, asqırma və bədən ağrıları müşahidə olunur.
Potensial yüksək səviyyəli xəstələnmənin qarşısının alınması hər zaman vərdiş etdiyimiz profilaktik tədbirlərə riayət etməklə olur. İctimai yerlərdə maska rejiminə riayət etmək, yaşayış və istehsalat binalarının müntəzəm havalandırılması, təmizlənməsi və əlbəttə ki, şəxsi gigiyena.
