İrlandiya Tibb və Sağlamlıq Elmləri Universitetinin (RCSI) alimləri ümumi beyin şişinin 3 yeni alt növünü tapıblar.

Aztibb.az medimagazin.com.tr-yə istinadən xəbər verir ki, irlandiyalı alimlərin apardıqları tədqiqatlar nəticəsində yeni və effektiv müalicə üsullarını tapmağa kömək edəcək üç yeni beyin şişi alt tipi müəyyən edilib. 

Yeni tapılan alt növün böyüklərdə ən çox rast gəlinən ilkin beyin xərçəngi olan "glioblastoma" sinfindən olduğu məlum olub. Tədqiqatçılar "qlioblastoma" alt tiplərini onların içərisində olan xərçəng olmayan fərqli hüceyrələrə əsaslanaraq 3 kateqoriyaya ayırıblar. Şişin qarşılıqlı əlaqədə olduğu bölgə olaraq ifadə edilən "mikromühit"dəki bu hüceyrələrin immun və qan hüceyrələri ola biləcəyi deyilir.

Alimlər şişin qarşılıqlı təsir sahəsində olan, lakin xərçəng olmayan bu hüceyrələr üzərində aparılacaq araşdırmaların, şiş tiplərinə görə fərqli xəstələrə xüsusi müalicələr tətbiq etmək imkanı yaradacağını bildiriblər.

Tədqiqat işi "Annals of Oncology" jurnalında dərc olunub.