"Həkimlərimizi tanıyaq!" rubrikamızda söz açacağımız Dilavər Qurbanov da sevilən-seçilən həkimlərdən biridir. O, bütün mənalı həyatını şərəfli işinə, müqəddəs peşəsinə, insanların problemlərinə və sağlamlığına həsr edib.

 

Qurbanov Dilavər Sahib oğlu 28 sentyabr 1953-cü il Sabirabad rayon Xəlfəli kəndində anadan olub. 1970-1976-cı illərdə N.Nərimanov adına Azərbaycan Dövlət Tibb Universitetinin Müalicə işi fakültəsində təhsil alıb. 1976-1977-ci illərdə F.Əfəndiyev adına №4 –li Klinik Xəstəxanada internatura keçib.

 

O, 1977-1986-cı illərdə Sabirabad rayon Vladimirovka kənd sahə xəstəxanasında terapevt vəzifəsində çalışıb. 1986-cı ildə Əli Bayramlı (Şirvan) TTTYS-da həkim terapevt işləyib. 1987-ci ildə sahə həkim terapevti, 1988-ci ildə Terapevtik bölmənin müdiri vəzifəsində çalışıb. 1992-1998-ci illərdə ŞMX Poliklinikada həkim psixatr kimi fəaliyyət göstərib.

 

Dilavər Qurbanov 1998-ci ildə 1 nömrəli Zona tibbi sosial Ekspert komissiyasının həkim ekspert nevropotoloq işləyib.

 

2016-cı ildə Azərbaycan Respublikası Səhiyyə Nazirliyinin Psixi Sağlamlıq Mərkəzinin setifikatına layiq görülüb. 14 fevral 2013-cü il tarixdə Həkimlərin Sertifikasiyasında keçib.

 

O, 2021-ci ilin may ayından Şirvan Şəhər Mərkəzi Xəstəxanasının Poliklinikasında həkim psixiatr kimi fəaliyyətini davam etdirir.