Akademik Zərifə Əliyeva adına Milli Oftalmologiya Mərkəzinin Avtomobil Səyyar klinikası valideyn himayəsindən məhrum olmuş uşaqlar üçün 1№-li tam orta internat məktəbində tibbi aksiya keçirib.

 

Aksiya hər il Gözdən Əlillər Günü münasibətiilə digər müəssisələrdə və regionlarda operativ şəkildə pasiyentləri müayinə-müalicə etmək, göz xəstəlikləri ilə bağlı monitorinqlər aparmaq, əldə edilən nəticələri müzakirə və həll etmək məqsədilə keçirilir.

 

Aksiya çərçivəsində 120 nəfər müayinə olunub. Refraksiya patologiyası, allergik konyunktivit, quru göz sindromu və s. diaqnozlar aşkar olunub.

 

Aksiyanın keçirilməsində məqsəd korluğun qarşısının alınması, görmə patologiyasının erkən diaqnostikasını aşkar etmək, əldə edilən nəticələri müzakirə etmək və həll etməkdən ibarətdir. Müayinələr Akademik Zərifə Əliyeva adına Milli Oftalmologiya Mərkəzinin həkimləri Lalə Məmmədova və Rəvanə Həsənova tərəfindən həyata keçirilib.