Londonda Birləşmiş Krallığın nüfuzlu və peşəkar mühasib təşkilatı - Sertifikatlı Maliyyə Menecerləri İnstitutunun (ICB/ICFM Global) ənənəvi sammiti keçirilib.

Tədbirə Avropanın və MDB-nin beynəlxalq peşəkar mühasibat təşkilatlarının və aparıcı şirkətlərinin nümayəndələri, mühasibat, vergi, investisiya, maliyyə nəzarəti və iqtisadiyyatın digər sahələrinin aparıcı mütəxəssisləri, mühasib və maliyyə menecerləri qatılıblar.

Azərbaycan Professional Maliyyə Menecerləri Assosiasiyasının (APFM) üzvləri (ölkənin nüfuzlu təşkilatlarının maliyyə sahəsində çalışan mütəxəssisləri) bu tədbirdə Azərbaycanı təmsil ediblər və müxtəlif nominasiyalar üzrə mükafatlarla təltif olunublar.

Sammitdə iştirak edən İcbari Tibbi Sığorta üzrə Dövlət Agentliyinin Maliyyə departamentinin rəhbəri Rasim Həsənov "İlin maliyyəçisi" nominasiyası üzrə nüfuzlu "Luca" mükafatına layiq görülüb.

Mühasibatlıq dünyasının Oskarı sayılan mükafatı Rasim Həsənova Sertifikatlaşmış Maliyyə Menecerləri İnstitutunun direktoru Harri Karter təqdim edib.