“Reputation” və “Millionare Concept Network”in rəsmi tərəfdaşlığı əsasında Bakıda ”Global Health Summit” layihəsi baş tutub. Sözügedən tədbir paytaxtımızda növbəti dəfə təşkil olunduğundan layihə böyük nüfuz və xüsusi rəğbət qazanıb.
Aztibb.az xəbər verir ki, ölkəmizdən və dünyadan tanınmış həkimlərin, tibb və sağlıq sektorundan olan şəxslərin qatıldığı gecədə, proqram çərçivəsində “Global Health Awards” mükafatları təqdim olunub.
Layihənin əsas məqsədi yerli və xarici səhiyyə nümayəndələrinin qarşılıqlı olaraq fəaliyyətlərinin əlaqələndirilməsi, əməkdaşlığın genişləndirilməsi və göstərdikləri xidmətlərin qiymətləndirilməsidir.
Qala gecəsində səhiyyə sektorunun bir sıra nümayəndələri və nüfuzlu şirkətləri tibb sahəsindəki xidmətlərinə görə "Global Health Awards - 2022" mükafatına layiq görülüblər.
Təltif olunanlar sırasında dünyanın ən böyük şirkətlərindən biri sayılan, tibbi və estetik avadanlıqların istehsalı ilə məşğul olan “BTL Industries" şirkətinin Azərbaycan nümayəndəliyi - “BTL Azerbaijan” da var.