13 oktyabr 2022-ci il tarixindən etibarən Azərbaycan Tibb Universitetinin 8 rezidenti Mərkəzi Gömrük Hospitalında yüksəkixtisaslı həkimlərin rəhbərliyi altında rezidentura təhsilinə başlayıb.

Bu barədə Aztibb.az-a Mərkəzi Gömrük Hospitaldan məlumat verilib.

Qeyd olunub ki, rezidentlər təhkim olunduqları şöbələrin əməkdaşları ilə birlikdə xəstələrin kovservativ və cərrahi müalicələrində yaxından iştirak edirlər.

Həkim-rezidentlər: Çələbiyeva Nuranə Cərrahiyyə və orqan transplantasiyası şöbəsinin həkim-cərrahı Kamran Beydullayevin, Əzizova Firəngiz Mama-ginekoloji şöbəsində mama-ginekoloq Sədi Allahverdiyevin, Fərid Salahlı Kardiovaskulyar Cərrahiyyə şöbəsində şöbə rəisi Əliyev Elməddinin, Abdullayeva Fidan Kardiovaskulyar Cərrahiyyə şöbəsində həkim-cərrah Kənan Əsədovun, Fəridə Məstaliyeva Uşaq Cərrahiyyəsi şöbəsinin həkim-cərrahı Vüsal Cəfərovun, Elxan Qasımov Urologiya şöbəsində həkim-uroloq Samir Ağalarovun, Məkanə Abbaslı Əməliyyatxana, anesteziologiya və reanimasiya şöbəsində həkim-anestezioloq-reanimatoloq Sevda Hüseynovanın və Nigar Hüseynli Əməliyyatxana, anesteziologiya və reanimasiya şöbəsində həkim-anestezioloq-reanimatoloq Könül Həsənovanın rəhbərliyi altında öz ixtisasları üzrə praktiki bilik və bacarıqlara yiyələnirlər. Bu günün rezidentləri sabahın peşəkar həkimləridir.

Xatırladaq ki, Mərkəzi Gömrük Hospitalının Azərbaycan Tibb Universiteti ilə imzaladığı müqaviləyə əsasən ATU-nun məzunları Hospitalda yüksəkixtisaslı həkimlərinin rəhbərliyi altında rezidentura təhsili alırlar. Mərkəzi Gömrük Hospitalında 2018-ci ildən yaradılmış rezidentura təhsilinin əsas məqsədi gələcəkdə işinin peşəkarı, yüksək nəzəri və təcrübi biliklərə malik, Hippokrat andına sadiq olan savadlı həkimlər yetişdirməkdir.